NanhaiSong hotel anmeldelser

從來都不寫長評價的我，今日要嚟評一評依間酒店。今次北上係慶祝我男朋友生日，就諗住係深圳灣揀一間兩日一夜嘅輕鬆下，以新淨、方便、空間大為選擇。最後揀依間2023年開張嘅酒店，見佢又30樓、睇相幾開揚，而且普通房嘅面積都唔差，加多$100仲有兩份早餐添。 我地大概5點左右check in，依個廣場係商住混合型，係地下要問人先發現係要由寫字樓電梯先上到嚟。上到30樓就有人招待我地，因為係生日所以酒店今次特別免費升級左我地做行政豪華套房，聽到果刻已經感到好興奮。 入房見到就覺得更加驚喜。首先有好多好多好多嘅氣球喺客廳入面，你係會覺得以為自己係經歷緊人生大事咁，唔知以為被求婚了，但事實上係我男朋友嘅生日。🤣 間房好多嘢都用電動，講真依d都好普遍。依間suite 個廳係好大，而且有落地玻璃望住海上世界，有mini bar 咖啡機，有電視、有廁所。基本嘢都有齊哂。轉入去房，大床都夠闊同舒服，望出去景色都無咩遮擋，大床前面仲有部極大嘅電視機，夜晚攤喺床到睇電視都幾正。然後房連套廁，入面有浴缸、雙洗手盆、衣帽間、廁所同浴室。基本上空間感好夠，設施都好新淨。成間房燈光好充足，朝早遮光都好夠。 早餐方面就不過不失，有進步嘅空間。味道就一般，有中西式兩款，入住時可預定埋時間用餐。 服務方面，比我想像中更好，入住時可掃描微信號有管家協助。叫外送時可以協肋送到入房，其實係夠私隱之餘又方便。 如果要方便、近地鐵站 價錢相宜、新淨必選依間。服務上一定會有驚喜。