Tenpoint Hotel Okou anmeldelser

酒店地理位置很好，離monorail 美榮橋站很近，步行5分鐘以內，我們離開沖繩前一日旁晚還車，第二朝早上搭monorail去機場，一家四口只需900円，的士都唔使搭！臨走前一晚由酒店行去國際通食飯買手信都係6-8分鐘左右，十分方便！ 酒店房間空間很大，很乾淨，得光猛，兩張雙人床，兩大兩細夠哂位瞓。有小型廚房，買野返酒店食好方便，房內有洗衣機乾衣機，去完海灘玩，一家四口啲泳衣污糟衫可以係房入面攪掂哂。廁所、沖涼房分開，沖涼房都足夠空間，唔會太細。 唯一問題係check in 前一晚只收到一封trip.com email 包含房間密碼，但就缺了酒店大門口密碼，也沒有收到直接由酒店發出的email。Checkin 職員也覺得奇怪，但就二話不說再發一次，所以入住過程尚算順利。 值得留意是，酒店入住時間時3-10pm, 如果遲過10點checkin, 最好提早通知酒店，如果唔係有機會checkin 唔到。